Мигранти планираат да постават шатори пред Парламентот во Атина

Мигрантите, кои по затворањето на балканската бегалска рута останаа заглавени во Грција, планираат да организираат протести пред зградата на Парламентот во Атина, објави електронското издание на грчкиот весник „Прото тема“.

Весникот наведува дека група Сиријци и Ирачани сместени во импровизираниот бегалски камп на пристаништето во Пиреја, размислуваат да постават шатори на атинскиот плоштад Синтагма, каде што се наоѓа грчкиот Парламнет, но дека се уште не донеле конечна одлука за тоа. 

„Прото тема“ пишува и дека во последните 24 часа на грчките острови во Егејското Море не пристигнал ниту еден мигрант или бегалец, што е прв ваков случај во текот на овој месец.