Мицотакис утре ќе го соопшти владиниот план за туризмот
Грчкиот премиер Кирјакос Мицотакис, утре попладне ќе го соопшти владиниот план за туризмот и економијата, а веднаш потоа, надлежните министри ќе ги објаснат деталите.
Портпаролот на грчката Влада Стелиос Пецас, на вчерашниот редовен брифинг со новинарите истакна дека подготвуваат кохерентен план за рестартирање на туризмот, во кој ќе бидат вклучени сите аспекти и здравствените и во однос на патувањето, но и економските, рече дека постојат разговори за билатералните договори со други земји и уште еднаш повтори дека летово нема да биде како ланското и не треба да се прави споредба.
Туризмот ќе биде една од главните теми на денешната квадрилатерална средба, преку видеоконференција, на премиерите на Грција, Бугарија, Романија и претседателот на Србија, на која ќе присуствуваат и министрите за надворешни работи и за здравство на четирите земји.
Додека пак, два часа порано ќе се одржи и министерска видеоконференција, на иницијатива на шефовите на македонската и грчката дипломатија за координација и унапредување на соработката на Министерствата за надворешни работи од земјите од Западен Балкан и земјите од ЕУ од регионот, а ќе стане збор за тековната и идна соработка во врска со можните начини за регулирање на прекуграничните патувања, транспортот и туризмот, исполнувајќи ги потребните медицински критериуми, како и за заемната поддршка на економиите на земјите.
Ново на Сител
-
ДС: Само силен синдикат е гарант за работничките права
-
Притвор од 30 дена за жител на Сопиште, пронајдена дрога во неговиот дом
-
Ковачевски: Нека ни е честит 1 Мај, СДСМ секогаш била на страната на работниците
-
Мицкоски: Работничките права се прекршени, државата не води грижа за тие кои се р`бетот на економијата
-
Вучиќ со одговор на Стејт департментот: Еве се дружам и пијам со Додик
-
Поведена истрага против осомничен за трговија со дрога и психотропни супстанции во Скопје
-
Стејт Департмент: Разочарани сме што две санкционирани лица ќе бидат министри во Владата на Србија
-
За влез во Грција се чека по 1 час