Мицкоски: Собрани вкупно 45.000 потписи за поништување на Законот за попис
Лидерот на ВМРО-ДПМНЕ во објава на Фејсбук тврди дека во рамки на вчера започнатата иницијатива за собирање потписи за поништување на Законот за попис, под мотото „Стави го својот потпис за вистински попис“, досега се собрани 45 илјади потписи.
– Денес се собрани нови 20 илјади потписи против фалсификат на пописот кој на сила го турка власта. За два дена собрани се 45 илјади потписи. Благодарност до секој еден граѓанин за поддршката. Никој повеќе го нема правото да го игнорира народот, затоа што народот е силата, енергијата и кај него е вистината. 45 илјади потписи за вистински попис. Но и многу поширока порака за власта, која ако сега не ја разбираат, ќе ја разберат многу скоро. Македонската пролет доаѓа!, наведе Мицкоски во објавата на Фејсбук.
ВМРО-ДПМНЕ во партиско соопштение наведе дека илјадници граѓани ширум земјава и денеска масовно даваат поддршка на Граѓанската иницијатива за Закон за поништување на Законот на попис.
– Граѓаните и денеска упатија јасна порака до Зоран Заев и СДСМ, НЕ за фалсификат попис кој нема да ја отслика реалната бројка на населението во државата. Ова е доволна причина, Заев и СДСМ да се откажат од политичката, наместо статистичката операција, која значи само задоволување на интересите на коалициските партнери, се наведува во соопштението, во кое се додава дека ВМРО-ДПМНЕ ги охрабрува сите граѓани кои се уште не се потпишале да го сторат тоа на некои од штандовите.
Ново на Сител
-
Приведени двајца дилери од Кичево
-
Приведена 50-годишна жена за кражба во продавница во Гостивар
-
Вархеји му честиташе на Вучевиќ: Се радувам на соработката за пристапување на Србија во ЕУ
-
Белград: Годишнина од масовното убиство во „Рибникар“ | ВИДЕО
-
Подољак: Да се усвои единствена одлука за враќање на воено способни мажи во Украина
-
Реакција на осигурителните компании на одлуката да се врати старата цена за авто одговорноста
-
Хунтата во Мјанмар им забранува на мажите да аплицираат за работа во странство
-
При претрес приведен дилер од Битола