Мицкоски му одговори на О'Брајан: Моторни возила положив со 10, ако треба мој совет стојам на располагање

Ако на некој му е потребен мој совет какво патничко возило моторно возило да купи му стојам на располагање, кажа претседателот на ВМРО-ДПМНЕ, Христијан Мицкоски во однос на изјавата на Џејмс О'Брајан.

- Секоја изјава која доаѓа од стратешкиот партнер е изјава којашто треба да се анализира. Истовремено јас како машински инженер на студиите сум ги положил предметите како што се моторни возила и возила со внатрешно согорување со највисока оцена 10 и доколку на некој му е потребен мој совет какво патничко возило моторно возило да купи му стојам на располагање, одговори Мицкоски на новинарско прашање.

Вавкиот одговор на Мицкоски следува по изјавата на помошник-државниот секретар на САД за Европа и Евроазија Џејмс О'Брајан кој пред извесен период во интервју на национален медиум прашан за ставот на ВМРО-ДПМНЕ за уставните измени рече дека „ако велат – имам подобра понуда, но нема сега да ви кажам што е – тоа е личност од која не би купиле автомобил“.