Мицкоски: Македонија доби уште еден врел шамар поради неспособната тендер Влада на Заев

На Исток бркаат провизии, а Запад му затвора врата на Заев зашто е корумпиран, реагира опозицискиот лидер откако шефицата на Европската комисија објави дека Македонија нема да биде дел од државите кои ќе добијат финансиска помош од пакетот вреден 530 милиони евра.

Според Мицкоски, премиерот Зоран Заев денеска добил уште еден врел шамар.

-Вака на кратко изгледа сагата за набавка на вакцини, додека државава руши рекорди во смртни случаи поради Корона. Денес за жал Македонија доби уште еден врел шамар поради неспособната тендер влада на Заев. Македонија не е во групата на земји на кои Европската Комисија ќе им помогне со финансиска и медицинска помош преку солидарниот фонд чиј вкупен износ е 530М€, во кој од регионот вклучени се земјите кандидати Србија, Албанија и Црна Гора. Јасно е дека никој не сака соработка со корумпиран премиер и влада. На исток бркаа прозивии за набавка на вакцини, на запад затвораат врата затоа што никој не дава пари на влада која е најкорумпирана во Европа, напиша Мицкоски на Фејсбук.

Според него, луѓето кои ги загубиле животот како последица на коронавирусот би можеле да бидат живи ако имале избор за вакцинирање.

-Ова се случува зашто наместо да делат вакцини, тие сакаат да делат тендери на фантом фирми, вели Мицкоски.