Мицкоски: Имаме богата влада, а сиромашен народ
Имаме сиромашни граѓани, плаќаат инфлација. А, имаме богата Влада која што договара во четири очи тендери и прогласува кризна состојба за да никој жив не знае како ќе идат парите од Буџетот до ЕСМ, ова истакна претседателот на ВМРО-ДПМНЕ, Христијан Мицкоски во гостување во централниот дневник на Сител телевизија.
Претседателот на ВМРО-ДПМНЕ посочи без да се види каде се потрошени парите од минатата кризна состојба нема да поддржи продолжување на истата.
„Без да видиме каде се потрошени парите, а имаме сериозни индиции за сторен криминал, на памет не ми паѓа да побарам од пратеничката група на ВМРО-ДПМНЕ и коалицијата да поддржи продолжување на енергетска кризна состојба. На памет не ми паѓа“, децидно одговори Мицкоски.
Тој додаде дека без да се види каде отидоа парите за јаглен, како инстант компании преку ноќ формирани добиваат милионски тендери за превоз на јаглен, каде отидоа парите за мазут, колку мазут се купи и по која цена се купи истиот тој мазут, нема да се поддржи продолжување на кризна состојба.
„Додека тоа не го видиме на маса, нема шанса и на памет не ми паѓа да побарам од пратеничката група на ВМРО-ДПМНЕ и коалицијата да поддржи продолжување на кризна состојба“, нагласи Мицкоски.
„Нормално ли е инстант компанија денес формирана, утре да добие тендер за транспорт на јаглен од Х места. Нормално ли е ? Тоа не е нормално! Па, тука криминалот од месечината се гледа“, рече претседателот на ВМРО-ДПМНЕ.
Ново на Сител
-
Протести низ Европа против Трамп
-
Претежно облачно и студено време со врнежи од дожд, а во повисоките места од дожд и снег
-
Маск: Се надевам дека во иднина ќе има целосно слободна трговија меѓу САД и Европа
-
Загрижувачки раст на случаите на семејно насилство во Албанија
-
СДСМ утре избира претседател, Филипче единствен кандидат
-
Времето утре претежно облачно и студено со врнежи од дожд, а во повисоките места од дожд и снег
-
За денеска најавени над 1.200 протести против Трамп
-
Поведена постапка против малолетник осомничен за силување петгодишно девојче