Мицкоски: Главната причина за спорот со Бугарија е домашната пазарџиска дипломатија на Заев и Димитров
Патот на Република Македонија кон Европската унија е закочен поради лошите и неразумни политики на Зоран Заев и СДСМ. Пазарџиска дипломатија која што ја демонстрираат Заев и Димитров е само поради непознавањето на дипломатската политика и бранењето на државните и национални интереси, истакна претседателот на ВМРО-ДПМНЕ, Христијан Мицкоски на денешната прес конференција.
-Наместо вистински и реални реформи на општеството кои ќе придонесат за поквалитетен живот на граѓаните, Зоран Заев реши да лицитира и да ги распродава националните интереси, надевајќи се дека така ќе се допадне на соседите, но и на членките на Европската унија. Ваквиот пристап на решавање на проблемите не само што не ја приближија Република Македонија кон ЕУ, туку дополнително ја оддалечија и покажаа дека државата ја водат пазарџии, а не политичари кои што достоинствено ги штитат интересите на државата и граѓаните, посочи тој.
Мицкоски истакна дека Зоран Заев и Никола Димитров како политичари кои релативно долго се на политичката сцена во Македонија, треба да знаат дека за националните прашања мора да постои државен консензус, а дури потоа да се преговара и разговара доколку е тоа потребно. Ваквата пазарџиска дипломатија која што ја демонстрираат Заев и Димитров е само поради непознавањето на дипломатската политика и бранењето на државните и национални интереси, истакна тој.
-Зоран Заев е човекот кој за секој свој неуспех ги обвинува сите други политички субјекти, а кога ќе му се понуди меѓународна соработка која му овозможува власт и материјална придобивка, тогаш на масата ги става идентитетот, јазикот, историјата и се што е свето за македонскиот народ. Ваквите погубни политики ја клекнаа земјата на колена, а македонските граѓаните се најпонижениот народ во Европа, рече Мицкоски.
Мицкоски истакна дека ВМРО-ДПМНЕ ќе предложи Резолуција до Собранието на Република Македонија, која што ќе ги дефинира македонските позиции во преговорите со источниот сосед.
ВМРО-ДПМНЕ заедно со секој граѓанин, рамо до рамо ќе се избори за промена на оваа ненародна власт и враќање на честа и достоинството на Република Македонија, порача Мицкоски на денешната прес конференција.
Центар за комуникации на ВМРО-ДПМНЕ
Ново на Сител
-
Едeн загинат во сообраќајка на експресниот пат Штип - Кочани
-
На полноќ настапува молк пред вториот круг од претседателските и парламентарните избори на 8 мај
-
Православните верници денеска слават втор ден Велигден и Ѓурѓовден
-
Право на глас на вториот круг од претседателските избори имаат 1.814.317, а на парламентарните 1.815.350
-
Обилен снег и силен студ ќе зафати делови од Европа во наредните денови
-
Нетанјаху: Израел ќе продолжи да се бори во Газа до победа
-
Четири деца тешко повредени откако паднале од покрив на спортска сала во Штутгард
-
Состојба на патиштата