Македонија
24. January 2020 - 13:33

Мицевски: ВМРО ДПМНЕ нема да прифати промена на името на АРМ

Пратеничката група на ВМРО ДПМНЕ остануа на тоа дека нема да го гласа законот за одбрана со променето име на Армијата, но тоа не значи и дека се против влезот во НАТО, како што тврди власта, вели координаторот на ВМРО ДПМНЕ Никола Мицевски.

- Не можеме да прифатиме обезличување на Армијата и промена на името на АРМ иако тоа никој не го бара. Ние поднесовме сосема идентичен закон, единствено без промена на името на АРМ. ВМРО ДПМНЕ ниту го поддржа Преспанскиот договор, ниту гласаше за устанивте измени за промена на името, па нема да прифати ни промена на името на АРМ - вели Мицевски.

Сепак ВМРО ДПМНЕ е за влез на Македонија во НАТО и Мицевски најави дека ќе се гласа за ратификацијата на протоколот за НАТО во парламентот на 11 февруари.