Мицевски: Џафери прави се интерпелациите за Николовски и Маричиќ да не се најдат на седница
Координаторот на пратеничката група на ВМРО-ДПМНЕ Никола Мицевски денеска на прес-конференција го обвини претседателот на Собранието Талат Џафери дека правел се за да се спречи на дневниот ред на денешната седница да се најдат интерпелациите што ги поднесе неговата партија за вицепремиерот Љупчо Николовски и министерот за правда Бојан Маричиќ, додавајќи дека „продолжува праксата на самоволие и непочит кон Деловникот од страна на Коалицијата СДСМ-ДУИ“.
– Целта на овој начин на работење е да се замолчи опозицијата, да се претвори Собранието во институција која ќе биде слуга на тесните интереси на оваа коалиција за неправда, рече координаторот на пратеничката група на ВМРО-ДПМНЕ
Според него, граѓаните секојдневно се сведоци на „зголемен степен на корупција“ и оти „нема ниту еден чекор насочен кон реформа на правосудството“.
– Затоа, потребно е час поскоро да се отвори седница за одговорност токму на министрите кои се надлежни во овие две области. Но, претседателот на Собранието спротивно на Деловникот денеска правеше се за да се спречи седница со интерпелација на дневен ред. Веројатно заради реалноста која сите ја гледаат, мнозинството прави се за да не се оддржи седница за интерпелација. Ова однесување е неодговорно, спротивно на сите демократски начела и го претвара Собранието во Собрание на авторитарна држава. Токму ваквите чекори го потврдуваат атрибутот хибриден режим, рече Мицевски.
Ново на Сител
-
Обвинителство: Побарана подготвителна постапка кон дете за предизвикување пожар во Расадник
-
Претседателот на Собранието Гаши го прими новоименуваниот француски амбасадор, Ле Риголер
-
Јаневска: Воведувањето на едносменската настава е со цел учениците да стекнуваат на различни начини повеќе знаење
-
Објавен јавниот повик за субвенционирање на нови авиолинии од Скопскиот и Охридскиот аеродром
-
Специјалните сили на Македонија дел од мултинационална воена вежба во Грција
-
30 годишник проголтал хероин додека полиција вршела претрес во неговиот дом во Кавадарци
-
Студенти на УКИМ го претставија првиот болид на натпревар во Хрватска
-
Николовски - Станков: Унапредување на соработката на Царинска управа и Државниот завод за статистика