Метју Палмер: Меѓусебно признавање е целта на САД во дијалогот Србија-Косово
Целта на администрацијата на САД е да го прекинат дијалогот меѓу Косово и Србија со договор за заемно признавање, изјави Метју Палмер, висок американски дипломат одговорен за Западен Балкан.
Во заедничкото интервју за КТВ со специјалниот пратеник на ЕУ за дијалогот меѓу Србија и Косово, Мирослав Лајчак, тој рече дека САД силно го поддржуваат тој процес.
– Не сум склон да одредувам краен рок за дијалогот. Но, ние апсолутно ја споделуваме целта на нашите партнери од Европската унија да го придвижат процесот напред, и пред сè, да биде постигнат брз напредок, рече Палмер.
Тој истакна дека САД би сакале да имаат правно обврзувачки договор за целосно нормализирање на односите меѓу Србија и Косово, што ќе отвори јасен пат кон евроинтеграциите.
– Ние ќе ги охрабриме Белград и Приштина сериозно да се вклучат и да ги решат работите што е можно побрзо, рече Палмер.
Лајчак истакна дека кога Косово ќе влезе во ЕУ, „неговиот глас ќе биде слушнат и почитуван“ и дека пристапувањето во ЕУ не може да се случи без нормализирање на односите со Србија. Медијаторот на ЕУ, исто така, рече дека работи во иста насока како Палмер за нормализирање на односите меѓу Косово и Србија.
Ново на Сител
-
Ѓорѓиевски: Спремен сум по изборите да го воскреснам Скопје и конечно да стане град за достоинствен живот
-
Мицкоски: Се разбира дека ќе нема данок за немажени и неженети, но ние тивко исчезнуваме и тоа поминува незабележано
-
Во Пониква заврши првата фаза од рехабилитацијата на повредените во дискотеката Пулс
-
Сончево и многу топло со мала до умерена облачност
-
МВР: Лишени од слобода шест возачи за возење под дејство на алкохол
-
Руската ПВО соборила 120 украински дронови
-
За осум часа 155 сообраќајни прекршоци во Скопје, 51 санкција за возачи на мотоцикл
-
Најниско задоволство од цените во мобилната телефонија, една третина не ги читаат договорите