Мерките што можат да бидат наметнати во вонредната состојба во Турција

 Уставот на Турција при воена состојба дозволува ограничување на основните човекови права и претседателот Реџеп Тајип Ердоган да може да управува со земјата преку укази, пишува ДПА.

Ова се некои од главните мерки што турската Влада може да ги воведе во ваква ситуација: 

- да воведе полициски час; 

- да забрани собирања и протести, како на улиците, така и на затворен простор;

- печатените медиуми (весници, списанија и книги) можат да бидат забранети или да не можат да бидат издавани без одобрение на властите; 

- сите форми на емитување и објавување текстови, ставови, филмови и аудио фајлови можат да бидат контролирани, ограничувани, па дури и забранувани; 

- припадниците на безбедносните служби можат да спроведуваат претреси на лица, автомобили, недвижен имот и да конфискуваат потенцијални докази;

- патниот сообраќај може да биде забранет во определени временски периоди или во определени зони; 

- определени зони можат да бидат оградени или евакуирани;

-државата може да ја преземе контролата врз сообраќајот по копно, воздух и вода.