Меркел во кампањата влегува со рекорден број вработени

Стапката на невработеност во Германија е се уште на рекордното ниско ниво забележано од реунификацијата до денес, објави федералната Агенција за вработување денеска, пренесува дописникот на МИА од Берлин.

Со пресметките за сезонските вработувања, нивото на невработеност во земјата е 5,7 отсто што е најниско во ЕУ, а во споредба со минатата година во исто време во Германија има 142 илјади помалку невработени.

Овие бројки се една од најсилните теми на канцеларката Меркел и нејзината партија ЦДУ во кампањата во пресрет на септемвриските избори за сојузниот парламент.