Меркел на 14 септември во Тирана на средба со лидерите на Западен Балкан
Германската канцеларка Ангела Меркел на 14 септември ќе допатува во неколкучасовна посета на Тирана.
Цел на посетата е да се даде нов поттик на Берлинскиот процес започнат во 2014 година, јави дописничката на МИА од Тирана.
– Заедно со премиерот Еди Рама, во Тирана, Меркел ќе седне на иста маса со лидерите на другите земји од Западен Балкан кои го прифатија овој процес, чија цел е да ја олесни регионалната соработка помеѓу шесте земји од Западен Балкан. На средбата нема да биде српскиот претседател Александар Вучиќ, бидејќи се работи само за претседатели на влади, пренесува Топ чанел.
Се додава дека визијата на оваа иницијатива се базира на помагање и исполнување на критериумите за членство во Европската унија.
Најважната компонента на Берлинскиот процес е таканаречената „Агенда за поврзување“, која првично има за цел да ги поврзе шесте земји од Западен Балкан во областа на транспортот и енергетиката.
– Самитите одржани во Германија, Австрија, Франција и Италија помогнаа да се воспостави комуникација меѓу балканските лидери, како и да се дизајнираат неколку инфраструктурни проекти. Одобрените проекти за секоја од шесте земји од Западен Балкан се финансирани делумно од механизмите на ЕУ, а делумно од самите нив, наведува телевизијата.
Ова е вторпат Меркел да дојде во Тирана, по посетата во јули 2015 година.
Ново на Сител
-
Голема акција во прилепската болница: Повеќе лица на раководни позиции приведени поради сомнежи за злоупотреби
-
Кос: Лага е дека одлуката на Советот на ЕУ ќе го спречи трансферот на гас до Србија
-
Изборите во 2026 година ќе бидат најважните во модерната историја на Србија, најавува Вучиќ
-
Цените на нафтата на светските берзи стабилни - околу 61 долар за барел
-
Нема планови за средба Путин - Трамп во блиска иднина, велат од Белата куќа
-
Киев ја продолжи воената состојба до февруари 2026 година
-
Фон дер Лајен: Европа мора да се бори за своето место услови на промена на глобалниот поредок
-
Трамп: Сојузниците се подготвени да испратат војници во Појасот Газа ако Хамас продолжи да го крши примирјето