Меркел го поздрави планот на Лондон за државјаните на ЕУ во Британија како „добар старт“
Германскиот канцелар Ангела Меркел го оцени за Би-Би-Си планот на Велика Британија за статусот на државјаните од ЕУ кои сега живеат на британска територија, како „добар старт“.
- Тереза Меј на сегашниот Самит јасно ни посочи дека државјаните на земјите членки на ЕУ кои пет години живеат во Британија, ќе добијат нов статус на жителство со кој целосно ќе ги зачуваат своите права. Мислам дека тоа е добро за почеток, изјави Меркел.
Таа меѓутоа посочи дека тоа е само почеток, затоа што „постојат уште многу, многу други прашања“ поврзани со Брегзит, што во текот на преговорите ќе треба да изработат.
Меркел сепак инсистира дека сегашниот Самит на ЕУ во Брисел, не е посветен на британското излегување од Унијата.
- За Брегзит, ЕУ ќе има посебен Самит, на кој целосно ќе се посветиме на тоа прашање, изјави Меркел за Би-Би-Си.
Прашањето за идниот статус на 3,2 милиони државјаните на ЕУ во Британија, како и на 1,5 милиони Британци кои се населени во државите членки, од европска страна беше истакнато како приоритетно на почетокот на преговорите меѓу Лондон и Брисел, во понеделникот, заедно со финансиските сметки и идниот статус на границата меѓу Ирска и Северна Ирска.
Пред промоцијата на британскиот план за статусот на Европејците во Британија, по Брегзит, ЕУ соопшти дека државјаните на земјите членки на британска територија и на Британиците на територијата на Унијата, треба да имаат ист статус, соодветен на определбите на Европскиот суд за човекови права.
Ново на Сител
-
ЦУК: Куче паднало во шахта и ги изгризало оптичките кабли, без интернет биле „Филип Втори“ и Поликлиника „Букурешт“
-
Во прекин сообраќајот на патот Радовиш-Штип поради сообраќајка
-
Косовското МНР потврди дека на директорот на српската Канцеларија за Косово му е забранет влезот во Косово за Велигден
-
За Велигден претежно сончево и потопло време
-
Тепачка во Чаир - 5 лица повредени
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата