Меркел ги повика граѓаните да истраат и покрај локдаунот и проблемите со вакцините
Германската канцеларка Ангела Меркел денеска, во интервју за јавниот радиодифузер АРД, ги повика граѓаните да истраат и покрај актуелните тешкотии со локдаунот и испораките на вакцини.
-Доколку издржиме уште некое време, тоа ќе биде подобро, рече Меркел, пренесе ДПА. Таа кажа дека сега е намалена стапка на инциденца на 100 нови заразени лица на 100.000 жители во една недела.
-Тоа е добро постигнување. Долго време не бевме на тоа ниво. Но, преку Министерството за здравство ние се уште немаме контрола врз вирусот, кажа канцеларката во интервјуто. Меркел ја бранеше и стратегијата за вакцинирање во земјата, изјавувајќи дека таа мора да биде динамична и да се прилагоди на можностите на производителите, додаде ДПА.
-Не можеме да направиме крут план за вакцинација, рече таа. Меркел, сепак, го повтори ветувањето дека до крајот на летото на секој граѓанин ќе му биде понудена вакцина. Таа, исто така, кажа дека граѓаните може да очекуваат олеснување на мерките пред сите да бидат вакцинирани, но сите ги повика да се придржуват до правилата за дистанца и да бидат внимателни.
Меркел, која треба да се повлече од политиката по изборите во септември, ја задржа својата популарност во анкетите и покрај тоа што постојано се залагаше за строги мерки на заклучување, пренесе ДПА.
Ново на Сител
-
Истрага од Комисија за судир на интереси против хрватскиот претседател бидејќи ја однел сопругата на ЕУРО 2024 во Германија
-
Времето лечи се | Катерина Ангеловска | Личен Развој | Sitel Podcast 047
-
На „Табановце“ се чека околу 15 минути за влез во државата
-
Нема промена на Рамката
-
Донесени дополнувањата на Законот за енергетика со кои треба да се спречи поскапување на струјата
-
Советници на Трамп му предале план за запирање на американската воена помош на Киев доколку не разговараат за мир со Москва
-
Предлог законот за дополнување на Законот за енергетика, по скратена постапка, проследен на натамошна постапка во Собранието
-
ЕУ ја продолжи заштитата на украинските бегалци до 2026 година