Mеркел ги повика Германците на обединетост околу бегалската криза

Германската канцеларка Ангела Меркел денеска ги повика Германците да го вратат духот присутен за време на обединувањето на земјата во 1990 година, за полесно да се изборат со предизвикот за интегрирање на стотина илјади бегалци и мигранти.

- Германското единство беше многу посебно, рече Меркел во своето неделно обраќање до јавноста, а во пресрет на 25-годишнината на обединувањето на Германија на 3 октомври.

Иако призна дека прифаќањето бран бегалци и соочување со задачата за повторно обединување на две многу различни работи, германската канцеларка истакна дека интегрирањето на луѓето кои бегаат пред војната и сиромаштијата бара сличен напор од целото германско општество.

Германија е најпожелна дестинација за стотици илјади бегалци кои бегаат од војна и сиромаштија на Блискиот Исток и Африка, и пристигнуваат во Европа. 

Се очекува во Германија само оваа година да пристигнат дури милион луѓе, што е голем пораст во однос на бројот од 200.000 бегалци и мигранти, колку што пристигнаа во изминатата година.