Меркел: ЕУ губи силен и важен играч со напуштањето на Британија

Германија ќе направи напори за време на преговорите за Брегзит да се гарантира дека излезот на Велика Британија од ЕУ ќе има што е можно најмал ефект врз секојдневието на граѓаните од Унијата, кои живеат во Британија, изјави германската канцеларка Ангела Меркел.

Таа изрази надеж дека Велика Британија и ЕУ ќе останат блиски партнери.

Меркел истакна дека преговорите за разделба меѓу Лондон и Брисел треба да се фокусираат прво врз условите за напуштање, а дури потоа да се разговара за идните односи. Канцеларката нагласи дека европските земји ќе преговараат со Британија на чесен и конструктивен начин.

Меркел призна дека со излезот на Велика Британија од Унијата, таа губи силен и важен играч.