Меркел: Бајден донесе нов елан во работата на Г-7

Германската канцеларка, Ангела Меркел ,изјави дека доаѓањето на Џо Бајден на власт во САД донесе нов елан во работата на Г-7.

„Изборот на Бајден за претседател на САД не значи дека повеќе немаме проблеми во светот, но можеме да работиме со нов поттик за нивно решавање“ – истакна Меркел.
Таа на маргините на Самитот на Г-7 во Корнвол се сретна со Бајден, а претходно беше најавено дека Меркел на 15 јули ќе го посети Вашингтон.

Меркел имаше недоразбирања со поранешниот американски претседател Доналд Трамп, бидејќи тој беше скептичен кон мултилатералните форуми како Г-7.