Меј: И покрај Брегзит, Велика Британија останува посветена на безбедноста на Европа
Британската премиерка Тереза Меј се обврза дека и покрај напуштањето на Европската унија, Велика Британија ќе остане посветена на заштитата на европските држави од руска воена агресија и други закани како илегалната миграција или кибер нападите.
Меј ги посети британските војници распоредени во близината на градот Тапа во Естонија, во заедничка посета со францускиот претседател Емануел Макрон.
- Кога држава како Русија намерно ги прекршува правилата врз кои е заснован меѓународниот поредок, што напорно го изградивме, тогаш ние мораме да застанеме заедно со нашите сојузници и да го браниме меѓународниот систем. Обединетото Кралство е безусловно посветено на одржување на безбедноста на Европа, изјави Меј.
Естонија, која претседарелствува со Европскиот совет, организира самит за дигитална економија, при што повеќе европски лидери ја искористија можноста да ги посетат своите војници распоредени во рамките на четирите борбени групи во Естонија, Летонија, Литванија и Полска. Тапа е седиште на најсеверната од четирите борбени групи, каде се распоредени војници од Велика Британија, Франција и Данска.
Ново на Сител
-
Дел од Аеродром и Центар денеска без вода
-
Во Собранието ќе се одбележи Меѓународниот ден на демократијата - 15 Септември
-
Фон дер Лајен треба да го претстави новиот состав на Еврокомисијата
-
Отпорноста на антибиотици може да убие повеќе од 39 милиони луѓе до 2050 година, предупредува нова студија
-
Три лица загинаа во пожарите во Португалија
-
Состојба на патиштата
-
Променливо облачно со сончеви периоди, попладне локален дожд
-
Сиљановска Давкова: Разговорот со Радев беше пријателски и со почит, ни за миг не ги заборавив македонските национални интереси