Меѓународниот суд на правдата во Хаг ќе расправа за тужбата на Украина за руската агресија
Во правна постапка што денеска треба да почне Меѓународниот суд на правдата (МСП) во Хаг ќе ја разгледа и сослуша тужбата на Украина против руската агресија во источна Украина.
Украина поднесе тужба против Русија во 2017 година, долго пред актуелната војна, заради нејзината поддршка на проруските бунтовници во регионот на Донбас и заради угнетување на неруското население на Крим.
Судењето денеска почнува во контекст на сеопфатната инвазија на Москва на Украина пред 16 месеци.
Киев ја обвинува Русија дека ги поддржува сепаратистите во Донбас со оружје и пари, а со тоа ја прекршила Меѓународната конвенција за сузбивање на финансирањето на тероризмот усвоена од Обединетите нации.
Москва ги отфрла обвинувањата.
Украина денеска треба да биде првата странка во спорот што ќе ги презентира своите докази. Во четврток ќе се претстават правните претставници на Русија.
Ново на Сител
-
Состојба на патиштата
-
Променливо облачно со локален пороен дожд во западните делови
-
Судири меѓу полицијата и демонстрантите во неколку британски градови
-
Приведен криминалец баран со меѓународна потерница
-
Тошковски и Ангелов го посетија опожареното село Немањици
-
Изборниот штаб на Харис го обвини Трамп дека се обидува да ги промени условите на дебатата во своја корист
-
Курти в понеделник во Скопје на средба со премиерот Мицкоски
-
Американската амбасада во Бејрут и британската Влада ги повика своите граѓани да го напуштат Либан