Меѓународна конференција за „Транзиција на правните системи: 30 години по падот на Берлинскиот ѕид“
Во организација на Правниот факултет „Јустинијан Први“ при Универзитетот „Св. Кирил и Методиј“ денеска и утре во Скопје ќе се одржи меѓународна научна конференција на тема „Транзиција на правните системи: 30 години по падот на Берлинскиот ѕид“.
Конференцијата се одбележува на 30-годишнината од падот на Берлинскиот ѕид, настан кој што симболично го означи крајот на Студената војна и почетокот на процесот на транзиција на правните системи во пост-комунистичките земји. Конференцијата има за цел да ги истражи различните патеки на транзиција избрани и спроведени низ целиот континент, да иницира дискусија и изведе заклучоци за најдобрите практики и научени лекции за време на транзицијата.
Според агендата, конференцијата ќе ја отворат проф. д-р Горан Коевски, декан на Правниот факултет „Јустинијан Први“ – Скопје, проф. д-р Никола Јанкуловски, ректор на Универзитетот „Св. Кирил и Методиј“, Томас Норберт Герберих, амбасадор на СР Германија и Кристијан Тимоние, амбасадор на Република Франција.
Клучни говорници на пленарната сесија на конференцијата се проф. д-р Отмар Сеул од Универзитетот Париз Х – Нантер, Франција и проф. д-р Томас Гигерих, Еуропа Институт, Универзитет Сарланд, Германија
На конференцијата ќе се презентираат 60- тина научни трудови, од истражувачи од земјата и странство.
Ново на Сител
-
Дебата во Собранието за придобивките од Реформската агенда 2024 - 2027
-
Сончево, попладне нестабилно наместа со локален дожд и грмежи
-
Објавен тестаментот на папата Франциск
-
Ватикан: Причинaтa за смртта на папата Франциск е мoзoчeн удaр
-
Инстаграм воведува користење вештачка интелигенција за утврдување на возраста на корисниците
-
Вработени во РТС бараат утврдување одговорност за навреда кон студенти и оставка од одговорните
-
Путин е отворен за преговори со Украина за ненапаѓање на цивилни цели
-
На Табановце и Богородица се чека околу еден час за влез во државата