Меѓународен ден на жената
Меѓународниот ден на жената - 8 Март денеска ќе биде одбележан во Македонија. Организирани се низа манифестации и трибини посветени на жената, а вообичаено на овој ден им се подаруваат цвеќе и подароци.
По повод празникот, Платформата за родова еднаквост ќе организира Марш за човекови права, кој ќе почне напладне од плоштадот Карпошово востание, ќе продолжи преку Камениот мост и плоштадот „Македонија“ и ќе заврши во паркот „Жена-борец“.
Националниот совет за родова рамноправност во соработка со Здружението на лица со телесен инвалидитет Мобилност Скопје, Домот за стари лица „Мајка Тереза“ од Злокуќани и организацијата „Зур Артикрафт“ организира изложба и базар на ракотворби.
Статистичките податоци говорат дека во Македонија од вкупниот број на население, 49,9 проценти се жени и оти тие живеат 3,9 години подолго од мажите.
Во однос на мажите поголем е и бројот на дипломирани жени, односно 57,1 процент, како и бројот на жени магистри односно 58,6 проценти. Според податоците на Државниот завод за статистика, во 2015 година имало и 143 жени доктори на науки.
Вкупно биле вработени 282.078 жени, а кои 76,3 проценти биле вработени во компании во приватна сопственост. Над 95 проценти од жените се вработени со цело работно време.
Меѓународниот ден на жената е ден кога се одбележува борбата на жените за економска, политичка и социјална рамноправност со мажите. Првиот Ден на жената е одбележан на 28 февруари 1909 година во САД по иницијатива на Социјалистичката партија на Америка. Во 1910 година во Копенхаген е одржана Првата меѓународна конференција на жените и на неа е одлучено да се прославува Меѓународен ден на жената, но без да биде утврден точен датум. Следната година, на 19 март 1911 година овој празник по прв пат е прославен од страна на повеќе од милион луѓе во Австрија, Данска, Германија и Швајцарија.
Ново на Сител
-
Вреди: Не треба да се отвораат старите рани
-
Победа над Фарски Острови - македонските ракометари се пласираа на Светско
-
Пендаровски се заблагодари на граѓаните за укажаната доверба
-
ЦУК: Спасени две лица кои со „квадрицикл“ излетале во провалија на Шара
-
Приштина: Притвор од 30 дена за државјанин на Србија вмешан во ланските немири во северно Косово
-
ЕУ потсетува на важноста од целосно почитување на Договорот од Преспа
-
Мишел и Фон дер Лајен со честитки во Сиљановска Давкова: Очекуваме соработка на европскиот пат на земјата
-
Алексеј Навални постхумно ќе ја добие наградата за мир во Дрезден