Меѓу остатоците од авионот на „Малезија ерлајнс“ има и делови на БУК ракета
Холандските обвинители, кои се дел од заедничкиот меѓународен тим за истрага на авионската несреќа на „Малезија ерлајнс“, соборен минатата година над источна Украина, денеска соопштија дека е можно меѓу пронајдените остатоци од леталото да има и делови од ракета од руско производство.
Во соопштението од канцеларијата на холандскиот државен обвинител се наведува дека деловите од проектилот, можно е да се од БУК ракета земја-воздух.
- Пронајдените делови од ракетата се многу важни за кривичниот дел од истрагата бидејќи можеле да пружат нови информации за тоа кој е одговорен за падот на авионот, посочува Обвинителството, при што додава дека е прерано за донесување на заклучок дека „постои причинско-последична вреска меѓу пронајдените делови од ракетата и падот на авионот на летот МХ17“.
Авионот леташе од Амстердам кон Куала Лумпур и се урна во јули 2014 година во близина на селото Грабово во Доњецката област, јужна Украина, на околу 60 километри од руската граница, во зона на борби меѓу проруските и украинските сили. Во несреќата загинаа 298 патници и членови на екипажот. Поголем број од патниците - 196 беа Холанѓани, а истрагата ја спроведуваат заедно Холандија, Украина, Австралија, Малезија и Белгија.
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување