Медицинска сестра се онесвестила откако примила вакцина на Фајзер
Медицинска сестра од Тенеси се онесвестила на прес-конференција откако примила вакцина против коронавирус што ја разви компанијата „Фајзер“.
Тифани Довер зборуваше за медиумите за првата вакцинација на здравствените работници кои се во првите редови во борбата против Ковид-19, кога се онесвести, пренесува „Вашингтон тајмс“. Снимката брзо се прошири на социјалните мрежи.
Таа ја прими вакцината на Фајзер против коронавирусот, а околу 17 минути подоцна почна да ѝ се врти во главата, се извини на новинарите и падна пред лекарите зад неа да успеат да ја фатат.
„Ме погоди одеднаш, чувствував како доаѓа. Се чувствував малку дезориентирано, но сега се чувствувам добро и болката во раката веќе ја нема“, изјави Довер.
Наскоро закрепна и повторно зборуваше за медиумите велејќи дека честопати ја губи свеста кога чувствува болка.
„Нормално е за мене“, додаде Довер.
Лекарите од Меморијалната болница CHI рекоа дека оваа епизода на губење на свеста не е поврзана со вакцината на Фајзер.
Ново на Сител
-
Израелската полиција изврши рација во Ал Џезира во Ерусалим, одзеде опрема
-
Костадиновска-Стојчевска: Македонскиот јазик е нашиот национален белег и најважниот симбол на културниот идентитет
-
Косовската полиција уапси 4-ца македонски државјани меѓу кои и кондовецот Агим Красниќи
-
Макрон го повика Нетанјаху успешно да ги заврши преговорите со Хамас
-
Димитровска: ДКСК оформи 45 предмети поврзани со изборите
-
14-годишна малолетничка од Петровец избегала од дома
-
Малолетник пријавен за насилство врз неговата мајка и брат
-
Бројот на загинати во поплавите во Кенија се искачи на 228