Мечот за светски шаховски првак стартуваше со реми

Во Дубаи стартуваше шаховскиот меч за светски првак помеѓу бранителот на трофејот Магнус Карлсен и неговиот предизвикувач Јан Непомњашчиј.

Првата партија во која рускиот шахист ги водеше белите фигури заврши со реми иако Карлсен имаше иницијатива и вршеше голем притисок кој противникот го издржа.

Норвешкиот шахист досега два пати ја одбрани светската титула која ја освои во 2013-тата година кога го совлада Индиецот Ананд.

Победникот во овој меч кој се игра во 14 партии ќе добие 2 милиони долари.

Денеска на програмата е втората партија.