Масакр во тунел: Осуммина убиени, 14 повредени
Осуммина милитанти се убиени, а 14 повредени кога израелската војска синоќа уништи тунел, кој се протега од Појасот Газа до Израел, јави ДПА.
Бригадите Изедин ал Касам, военото крило на движењето Хамас, кое ја контролира крајбрежната енклава, соопшти дека еден од загинатите е нивен член. Други двајца убиени се борци на Исламски џихад , помала организација во Појасот Газа.
- Израелската армија уништи „терористички тунел" од израелската страна на границата, соопшти синоќа нејзиниот портпарол. Тој рече дека Израел го смета движењето Хамас одговорно за „нарушување на израелскиот суверенитет".
- Кој и да се обиде да ни наштети, ние ќе го повредиме, предупреди израелскиот премиер Бенјамин Нетанјаху.
Хамас оцени на Твитер дека нападот е „нова војна против народот на Газа".
- Нашиот одговор на ова кривично дело ќе биде даден во вистинскиот момент, изјави за новинарите портпаролот на Исламски џихад.
За време на војната во Појасот Газа во 2014 година Хамас користел мрежа од тунели за да складира оружје, или како засолниште при израелските бомбардирања, но и за да организира напади врз Израел.
Ново на Сител
-
Израелската полиција изврши рација во Ал Џезира во Ерусалим, одзеде опрема
-
Костадиновска-Стојчевска: Македонскиот јазик е нашиот национален белег и најважниот симбол на културниот идентитет
-
Косовската полиција уапси 4-ца македонски државјани меѓу кои и кондовецот Агим Красниќи
-
Макрон го повика Нетанјаху успешно да ги заврши преговорите со Хамас
-
Димитровска: ДКСК оформи 45 предмети поврзани со изборите
-
14-годишна малолетничка од Петровец избегала од дома
-
Малолетник пријавен за насилство врз неговата мајка и брат
-
Бројот на загинати во поплавите во Кенија се искачи на 228