Маркоски: Со срце го чекаме 11. октомври

Младата фудбалска репрезентација од вчера стартуваше со подготовките за дуелот со Шкотска на 11. октомври кој може да не однесе за првпат на ЕП.

Победата е повеќе од императив а вистински џокер во тимот на Милевски во овие квалификации е фудбалерот на ФК Работнички Кире Маркоски кој постигна вкупно 4 погодоци во овие квалификации од кои сигурно најголема тежина има оној во Единбург каде во драматичен меч ја совладавме Шкотска со 1-0:

- Со срце го чекаме 11. октомври и мечот со Шкотланѓаните. Свесни сме дека ќе биде тоа тежок меч но верувам во нашите квалитети и можности. Сепак ова е натпревар на кој треба да се надминеме и да дадеме уште 20 % од она што го прикажавме во Единбург. Се надевам дека екстра ќе не мотивира некој кикс на Исланд а посебно посакувам полни трибини и максимална поддршка од навивачите бидејќи тоа го заслуживме како никогаш досега“- изјави за ТВ Сител Маркоски.

Македонија е на врвот на табелата во 3. група со бод повеќе од Франција и 3 од Исланд кој има натпревар помалку.