-->
-->
Манчестер Јунајтед го победи Реал на пенали
-->
Екипата на Манчестер Јунајтед славеше победа над Реал Мадрид по подоброто изведување на пенали во натпревар „Интернационалниот Куп на Шампиони“.
Дуелот меѓу Манчестер Јунајтед и Реал Мадрид е практично увертира во нивната меѓусебна пресметна во УЕФА Суперкупот кој ќе се игра во Скопје на 8 август, па затоа двајцата тренери Жозе Мурињо и Зинедин Зидан настапија со комбинирани состави.
На синоќешниот меч во Сан Франциско „црвените ѓаволи“ забележаа победа од 3-2 по подоброто изведување на пенали регуларните 90 минути завршија без победник 1-1.
Англискиот тим поведе со голот на Лингард во 45.минута, а по одличната акција на францускиот репрезентативец Марсијал кој ја мина комплетната одбрана на „кралевите“.
Реал до израмнување стигна во 68.минута со голот од пенал на Касемиро.
Затоа пак во пенал рулетот, фудбалерите на Реал од петте реализираа само еден удар од белата точка, наспроти двата на Манчестер, па англискиот тим на крајот се радуваше на победа со конечни 3-2.
За Манчестер ова беше втора победа на „Интернационалниот Куп на Шампиони“, откако во првиот свој меч Јунајтед беше подобар од градскиот ривал Манчестер Сити. ит/
Следниот меч на „Интернационалниот Куп на Шампиони“, ќе се игра во четврток наутро (2 часот по македонско време), а во него ќе се сретнат англискиот вицепрвак Тотенхем и италијанската Рома.
-->
-->
-->
Ново на Сител
-
СДСМ: Нема ништо ново во понудата на ВМРО-ДПМНЕ
-
И Италија ќе го чува македонското небо
-
Објавен конкурсот за уписи во средно училиште
-
Битолчанка пронашла граната додека копала нива
-
До вторник сончево и топло до 29 степени
-
Нето надворешниот долг на крајот на 2023 година изнесувал 4.458 милиони евра
-
Тетовци се жалат дека не можат да излезат од дома поради глутниците
-
Три млади лица загинаа во тешка сообраќајка во Кичево