Малолетник скокна од зграда: „Ги соблече патиките, ги запали книгите и се самоуби"

14-годишно момче скокна од осми спрат на зграда на улицата „Бранислав Нушиќ" во Сараево.  За жал, ученикот почина на лице-место, во понеделникот во 16 часот. 

Станарите на зградата се запрепастени од тоа што се случило. Малолетникот ги запалил своите книги во станот, ги соблекол патиките и се решил да си го одземе животот.

- Со сопругата бевме во својот дом кога слушнавме бука од соседниот стан. Потоа слушнавме и сирени од полиција и Брза помош. Кога погледнавме надолу видовме дека некој лежи во крв на бетонот пред зграда. Потоа дознав дека се работи за нашиот сосед, М.Р. кој е ученик, велат дека извршил самоубиство, вели А.Л. сосед.

Директорот на училиштето каде одел ученикот вели дека бил ученик за пример.

Останува мистерија зошто малолетникот скокна од зградата и си го одзеде животот.