Малала ја заврши посетата на Пакистан
Најмладата добитничка на Нобелова награда за мир во историјата, Малала Јусафзаи (20) денеска ја заврши посетата на Пакистан.
Таа првпат беше во татковината откако талибански екстремист во 2012 година ја застрела поради нејзиното залагање за едукација на девојчињата.
По посетата Малала на Твитер напиша дека Пакистан за неа е „најубавото место во светот“. Таа планира по завршување на факултетот во Велика Британија да се врати и да живее во Пакистан.
Малала во октомври 2012 година беше застрелана во глава од припадник на талибанците, кој упадна во училишен автобус, барајќи ја неа. Таа во многу конзервативните делови на Пакистан го афирмираше правото на жените на образование, поради што стана мета на атентатори.
По инцидентот таа беше оперирана од воен хирург во Пакистан, а на посттрауматско лекување замина во Велика Британија.
Малала беше застрелана на 14 година, а на 17-годишна возраст стана најмлад добитник на Нобелова награда, напиша книга, зборуваше во Обединетите нации и се стртна со бегалциите. По нападот таа основа фонд Малала, кој според неа, има потрошено шест милиони долари за училишта, книги и за ученички униформи.
Ново на Сител
-
Поништен изборот за судија во Стразбур, Владата формираше нова комисија
-
Тема на денот со Сузана Јошевска Анастасовска, адвокат
-
Приведено лице поради обид за подметнување пожар кај брана Водоча, обвинителството бара притвор
-
Владата бара нови кандидати за ЕСЧП
-
Собранието му изгласа недоверба на обвинителот Коцевски
-
Собранието ја констатираше оставката на претседателката на Антикорупциска
-
Чешкиот „Блек Хок“ доаѓа во Скопје, ја прифативме и помошта од Словенците - најкритично на Готен
-
Аpсовска се соочи со напаѓачот Јамалари – тој не чувствува вина за нападот