Макрон: Трета доза од вакцина против Ковид-19 е потребна за повозрасни лица и ранливи групи
Францускиот претседател Емануел Макрон денеска најави дека на ранливите групи и повозрасните луѓе најверојатно ќе им треба трета доза на вакцина против Ковид-19, со што Париз и Берлин не се откажуваат од довакцинација и покрај предупредувањето од Светската здравствена организација.
Неговата Влада се обидува да ја забрза програмата за вакцинација во Франција, бидејќи земјата се соочува со четвртиот бран на коронавирус и со улични протести против политиката за справување со Ковид-19.
Шефот на Светската здравствена организација (СЗО), Тедрос Аданом Гебрејесус вчера повика да се почека со довакцинација барем до крајот на септември.
Германија и Франција ќе продолжат со довакцинирање на населението од септември, игнорирајќи го повикот на СЗО да почекаат додека не се вакцинираат повеќе луѓе во светот.
Франција и Германија досега вакцинирале 64,5 проценти, односно 62 отсто од населението со барем една доза, додека 49 проценти од Французите и 53 отсто од Германците се ревакцинирани.
Ново на Сител
-
Хеликоптерите на МВР фрлија повеќе од 30 тони вода на пожарот на планината Плачковица | ВИДЕО
-
Хуманитарната катастрофа во Газа мора веднаш да престане, велат Париз, Лондон и Берлин
-
Најмалку 25 лица загинаа, а 280.000 останаа без покрив над главата од почетокот на обилните дождови на Филипините
-
Министерот Тошковски во посета на џудо тренинг сесија на полициските специјалци во Центарот за обука во Идризово
-
Трамп вели дека договорот со ЕУ има 50 отсто шанси, а договорот со Канада можеби нема да се случи
-
На Табановце се чека 40, а на Богородица 20 минути
-
Крадел од пациенти на Онкологија, Обвинителството поведе постапка
-
Две затворски казни од пет години и парична од 300.000 денари за фирма за предизвикан пожар над велешко езеро „Младост“ во август 2019