Макрон побара од Ердоган да се ослободи францускиот новинар кој беше приведен во Турција

Францускиот претседател Емануел Макрон во синоќешниот разговор со турскиот претседател Реџеп Таип Ердоган побарал да биде ослободен францускиот новинар Луа Биро. 

Турската гранична полиција го приведе Биро на границата со Ирак кон почетокот на месецов. 

Макрон побарал францускиот новинар да биде ослободен и вратен во Франција. 

- Двата претседатели се договорија да ја продолат комуникацијата, како и контактите на министерско ниво, со цел да дојде до позитивен исход, стои во соопштението на Елисејската палата. 

Ердоган и Макрон исто така, зборувале и за ситуацијата во Сирија  и Ирак, како и за борбата против тероризмот.