Макрон: Не може да има укинување на санкциите за Русија пред да се воспостави мир во Украина
Францускиот претседател Емануел Макрон изјави дека на денешниот состанок било „едногласно договорено“ дека „сега не е време за укинување на санкциите против Русија на кој било начин“.
– Не може да има укинување на санкциите пред да се воспостави мир, додаде Макрон.
Тој соопшти дека е донесена одлука да им се наложи на министрите за надворешни работи од коалицијата на подготвените да достават предлог за тоа како би можело да се надгледува евентуално примирје. За тоа имаат рок од три недели.
Дополнително, Макрон најави дека Велика Британија и Франција ќе испратат делегација во Украина за да соработуваат со украинските вооружени сили и да им помогнат во планирањето на идните чекори.
По разговорите со британскиот премиер Кир Стармер, Макрон изјави дека тие двајца ќе им наложат на воените команданти да организираат испраќање на француско-британски тим во Украина во наредните денови за тесна соработка со украинските партнери.
Францускиот претседател потоа зборуваше за тоа како ова ќе ѝ помогне на коалицијата во иднина.
Според него, коалицијата ќе испитува „кој формат е потребен во однос на бројот на војници, како и каква опрема и техника се неопходни за одговор на идната руска агресија и за спречување на какви било агресивни руски дејствија“.
– Ова ќе ни овозможи да влеземе во фаза на планирање за да го разјасниме придонесот на секоја членка на коалицијата и да ѝ дадеме на Украина јасна слика за многу прецизен акциски план кој сакаме да го спроведеме“, заклучи Макрон.
Ново на Сител
-
Приведен 71-годишен маж, предизвикал пожари во Демиркаписко
-
Кривичниот суд Скопје започнува дигитална трансформација со поддршка од вештачка интелигенција
-
Незаконски присвоил 2 110 640 денари од пациенти, условна затворска казна за вработен во прилепската болница
-
Кривични пријави за две лица од Струга и струшко поради предизвикување пожари
-
Почина Ози Озборн
-
Трамп објави трговски договор со Јапонија, вклучувајќи царини од 15 проценти
-
Руските сили го нападнаа Криви Рих, погодени неколку места, избувнаа пожари
-
Спречен уште еден обид за подметнување шумски пожар, вели Ангелов