Македонски турист загина, а 38 се повредени во сообраќајка во Турција

Македонски турист загина, а 38 се повредени доцна синоќа во тешка сообраќајна несреќа во близина на турскиот град Едрене.

Загинатиот е 45-годишен маж. Петмина од повредените се наоѓаат во тешка состојба, додека останатите 33 туристи се полесно повредени. Тие се пренесени во болниците во Кешан и Малкара.

Несреќата се случила кога автобусот со македонски туристи, кој се враќал од Истанбул, удрил во задниот дел од камион, кој се движел пред него. По сударот автобусот со скопски регистерски таблички се заглавил во камионот со турски таблички, при што бил влечен уште стотина метри.

Според турски медиуми, во притвор се наоѓаат возачот на автобусот и возачот на камионот.

Македонското Министерството за надворешни работи, соопшти дека заедно со Генералниот конзулат на Македонија во Истанбул и Амбасадата во Анкара се во постојан контакт со сите надлежни инстутуции во Турција. Сите информации поврзани со состојбата на повредените патници може да се добијат на следните дежурни телефони:

Генерален конзулат на Република Македонија во Истанбул

Мобилен телефон: +90 535 108 5622,
Телефон: + 90 212 249 99 77; + 90 212 251 22 33
Е-пошта: istanbul@mfa.gov.mk
Адреса: Inönü Cad., Üçler Apt. No: 12 D 4, Gümüşsuyu, Taksim, İstanbul

Амбасада на Република Македонија во Анкара

Мобилни телефони: +905383130343; +905385466691
Телефон: + 903 12 439 92 08 F: + 903 12 439 92 06
Е-пошта: ankara@mfa.gov.mk
Адреса: Karaca sokak 24/5-6 Gaziosmanpasha Ankara

Министерство за надворешни работи на Република Македонија

Мобилни телефони: +38975 237 021
Тел: +389 2 3115 266, лок. 168 Факс: +389 2 3115 790
Е-пошта: PR@mfa.gov.mk, infocentar24/7@mfa.gov.mk