Македонска вечер во Брвеница, средствата ќе бидат наменети за изработка на мурал на загинатите бранители од 2015

Со интонирање на македонската химна од Јована Богданоска, со големото македонско оро предводено од КУД Брвеница и Спасен Силјановски, со звуците на тапаните и зурлите и со македонските патриотски песни интерперетирани од Христијан Трајаноски – здружението Патриотско Друштво организираше голема македонска вечер во Брвеница. Настан кој ја спојува традицијата, обичаите и љубовта кон македонскиот мелос има и племенит карактер  - односно собраните средства ќе бидат наменети за правење на мурал во чест на двајца загинати бранители од 2015 година.

ОД КУД Брвеница велат дека до сега настапувале на многу собири и настани но никогаш немале шанса во својот дом да бидат дел од ваква македонска вечер со хуманитарен карактер.

На настанот имаше многу гости, луѓе организации кои даваа своја поддршка, а меѓу пристуните беше и Никола Николовски Боемот кој ја поздрави иницијативата и организацијата на Патриотско Друштво.

Христијан Трајаноски со својот глас ги збогатува сите македонски вечери во организација на Патриотско друштво а како тој вели тие се есенцијални за зачувувањето на македонската музика, за јакнењето на националното чувство и ширењето на македонизмот.

Пристутните во еден глас ги пееја македонските песни, заеднички играа македонско оро а беа доделелни и благодарници на сите оние ги овој настан го направија возможен.