Македонија се приклучува кон иницијативата „Најголем глобален час“
Наставниците и учениците од сите основни училишта во земјата се приклучуваат кон глобалната иницијатива „Најголемиот глобален час“ за да се запознаат со новите глобални цели за одржлив развој.
УНИЦЕФ во соработка со Министерството за образование и наука ги покани наставниците во основните училишта да ги истражат важните глобални проблеми како што се човековите права, сиромаштијата и климатските промени на специјалниот Најголем глобален час.
Најголемиот глобален час е иницијатива во која децата од над 100 земји учат за новите цели за одржлив развој усвоени од страна на Генералното собрание на ОН на 25 септември.
Најголемиот глобален час се одржува во училниците на сите континенти, во текот на неделата од 28 септември. Се очекува 500 милиони девојчиња и момчиња на возраст од 8 до 14 години да имаат можност да се запознаат со глобалните цели, кои се движат од ставање крај на екстремната сиромаштија за сите луѓе насекаде, преку решавање на климатските промени, па сè до давање можност на сите деца да се стекнат со квалитетно основно и средно образование. Државните лидери и министри од повеќе земји ќе одржат настава и ќе учествуваат на часовите.
Како што се наведува во соопштението, најголемиот глобален час нуди уникатна можност да се поттикне глобалното граѓанство во училиштата низ светот. Преку оваа иницијатива се дава поддршка на наставата во голем број предмети како што се природните науки, географијата, граѓанското и техничкото образование и им се помага на наставниците да истражат важни глобални проблеми како што се човековите права, сиромаштијата и климатските промени.
Ново на Сител
-
Изгласана Резолуцијата за Сребреница во ОН – 11 јули се прогласува за Меѓународен ден на сеќавање на геноцидот:
-
Тројца повредени во сообраќајка на крстосницата кај Башино Село на автопатот над Велес
-
Претседателката оствари телефонски разговор со Зеленски: Украинскиот народ може и во иднина да смета на македонското сојузништво
-
63-годишен маж демнеел женско лице од Дебар по што и го украл телефонот на работното место
-
Графитите избришани, сторителите непознати, насликана нова содржина на монументот на гостиварскиот кеј
-
Левица: Црква изградена во 1874 година настрада од минирањата на „Бехтел и Енка“
-
Потврден 30-дневниот притвор за врховнот судија Георгиев
-
110 пушки од Првата светска војна пронајдени при ископ во Старата касарна во Битола