Македонија одигра нерешено со Црна Гора

Македонската ракометна репрезентација вечерва во Умаг во рамките на турнирот „ХЕП Кроација куп“ одигра нерешено 30:30 со репрезентацијата на Црна Гора. Нашата репрезентација стигна до изедначувањето со голот на Филип Лазаров во последните секунди од натпреварот, откако претходно ривалот водеше со 29:26.

 

Дејан Манасков и Кирил Лазаров со по пет голови беа најефикасни во македонската репрезентација, Пешевски постигна 4, а три пати мрежата на Црна Гора ја затресоа Митков, Талески, Филип Лазаров. Димитриевски и Костески постигнаа по два гола, а по еден Димитровски, Георгиевски и Ојлески. Голманот Никола Митревски имаше 10 одбрани.

 

Во редовите на Црна Гора Вуко Борозан беше стрелец на девет голови.

Вчера во рамките на турнирот Македонија загуби од домаќинот Хрватска со 29:21, а утре на псоледниот ден од турнирот во Умаг ќе играат Хрватска и Црна Гора.