Македонија ќе се бори за златен медал во две категории

Машкиот кумите тим на Македонија  се пласира во финалето на Eвропското универзитетско првенство за боречки спортови во карате во Загреб, Хрватска.

Екипата на Универзитетот свети Кирил и Методиј со тоа има голема шанса да го одбрани трофејот од претходниот шампионат во Полска. 

Денеска по голема борба беше совладана со половина поен предност беше совладана селекцијата на Украина а за македонскиот тим настапија: Петар Заборски, Петар Спасеновски, Витомир Трајковски, Давид Петков, Стефан Стојановиќ, Димитар Илиевски и Глигор Хаџи Кимов.

Утре и Петар Заборски се бори во финалето за златниот медал против Констатнтин Јаненко од Украина.

Македонските студенти досега освоија 4 медали – бронзи за Давид Петков и Петар Спасеновски во борби, а Петар Заборски и машкиот кумите тим со пласманот во финалето обезбедија веќе сребрени медали.