Македонија го совлада првиот фаворит Финска

Значајна победа на женската дејвис куп репрезентација на Македонија против првиот носител Финска на Били Кинг купот во Скопје. 

Македонија славеше со 2-1 против фаворитот Финска во рамките на 3. Коло од третата Европска зона. 

Во сингл дуелите  Стоилковска во два сета беше поразена од Хиетаранта додека Ѓорческа подоцна успеа да израмни на 1-1 откако славеше во три сета против Куликова иако го загуби првиот сет.

Мечот го реши дуелот во двојки во кои нашиот тандем Ѓорческа – Стоилковска успеа да слави со 6-4,6-1 против финскиот дубл и со тоа да ја обезбеди на нашата репрезентација и третата победа во исто толку натпревари. 

Следен противник на нашата репрезентација утре е селекцијата на Исланд.