МААЕ: Иран го применува договорот за нуклеарната програма
Иран го применува договорот за својата нуклеарна програма, кој го постигна со светските сили, изјави денеска директорот на Меѓународната агенција за атомска енергија (МААЕ), Јукија Амано, во момент кога постои загриженост дека САД би можеле да ги променат одредбите од договорот.
МААЕ го заостри својот став за примена на договорот од страна на Иран, вклучувајќи го барањето за пристап до воени локации.
САД зазедоа поостар став кон Иран откако Доналд Трамп ја презеде должноста шеф на државата на 20 јануари, а за инспекција на воени локации потребна им е поддршка од уште 34 земји, кои се членки на управниот одбор на МААЕ.
- Новата американска администрација досега не ја контактирала МААЕ. Ова е почеток за администрацијата на Трамп, но сме подготвени за соработка што е можно побрзо, истакна Амано на маргините на самитот во Дубаи.
Според договорот од 2015 година меѓу Техеран и шесте светски сили, Иран се согласи да ја ограничи својата нуклеарна програма во замена за ослободување од некои американски и европски економски санкции, како и од санкции на ОН.
Ново на Сител
-
Со нож и се заканија на претседателката на Уставен Кацарска
-
Запален службениот автомобил на директорот на Идризово- оштетена и блиската зграда
-
Уставен го одби барањето на судиите да го врати коефициентот за повисоки плати
-
Европскиот фронт најави тужби до Управниот суд и кривични пријави за членовите на ДИК
-
Без средба, само консултации за идното владино коалицирање
-
Следната недела СДСМ ја почнува постапката за избор на ново раководство
-
МЗ како портпарол на Токсикологија со обвинувања за Нико Беќаровски - професорот негира и најави тужба
-
Македонија 2025: Дијаспората сака да помогне, власта нема слух