Луѓето кои посетуваат музеи се посреќни и помалку осамени
Низ различни студии и истражувања се покажа дека луѓето кои редовно посетуваат музеи, со уживањето во уметноста и новите сознанија, тие се повеќе среќни и помалку осамени од другите.
Според студија спроведена од норвешкиот Универзитет за наука и технологија, уживањето во културата и уметноста може да го намали ризикот од анксиозност и депресија. Во истото истражување, откриено е дека мажите имаат повеќе корист од одење во музеј отколку жените.
Трудот на Јан Пакер од Калифорниската Академија за науки покажа дека музеите го намалуваат стресот, затоа што пружаат средина каде луѓето можат да се опуштат. Испитаниците укажаа и на важноста на чувството на „обновување“ кое го имаат после посетата од музеј. Наодите од тоа истражување им помагаат на музејките научници подобро да ги разберат потребите и очекувањата на своите посетители.
Истражувањето на лондонското Училиште за економија дојде до заклучок дека музеите имаат ист ефект на личната благосостојба како и зголемувањето на платата. Кога одењето во музеј би се вреднувало во долари, еквивалентот на тоа „добро чувство“ би било годишно зголемување од 5,3 илјади долари.
Музеите имаат ист ефект како и учествувањето во спортски активности. Најголема пречка на луѓето за посета во музеите е тоа што родителите не ги носеле кога биле деца, а на многумина е проблем и недостигот на време.
Музеите се добри и за економијата, меѓу другото, и поради поддршката на посетителите на локалните музеи ги привлекува туристите. Според Американската асоцијација на музеи, музеите секоја година придонесуваат кон економијата со 21 милијарда долари.
Ново на Сител
-
Си пред посетата на Србија го критикуваше НАТО за бомбардирањето на Белград во 1999 година
-
ЕУ одобри шест милијарди евра за Балканот, Рама: Историски момент, кој внесува нов импулс во процесот на проширување
-
Девизните резерви во април зголемени за 41,9 милиони евра
-
Анонимна пријава за случаи со поткуп од политичка партија во Кичево
-
Во Делчево денеска гласаат 222 болни и изнемоштени лица за претседателските и парламентарните избори
-
Советот на ЕУ го усвои првиот закон за борба против насилство врз жените
-
И во Шпанија студентите подготвуваат протести против Израел
-
Претреси во Охрид поради фотографирање избирачки список и гласачки ливчиња