ЛШ: Вардар со „десетка“ го совлада Киелце

Ракометарите на Вардар ја постигнаа петтата победа во групата Б од Лигата на шампионите. Попладнево во СЦ „Јане Сандански“ падна големиот должник од лани полскиот тим Киелце со  34:24 (18:14). Вардарци со овој триумф остануваат на првата позиција до следното коло бидејќи сега ќе следува пауза за настап на репрезентациите.

Вардар во текот на целиот натпревар беше доминатен и постојано ја зголемуваше разликата. На полувремето беше 18:14, а разликата беше зголемена и за помалку од 40 минути беше девет разлика 25:16. Вардар највисоката разлика ја имаше во 57.минута кога поведе со 33:22.

Одличен на голот беше Арпад Штербик кој имаше 12 одбрани, а Киелце од 5 седмерци реализираше само еден (Агинагалде), додека не реализираа(Агинагалде, Чупиќ, Биелицки, Бунтиќ).

Најефикасни на дуелот беа Дибиров и Горбок со по 8 голови.

Во следното коло Вардар гостува кај Барселона.

Табела: Вардар 10 бодови, Барселона 7, Рајн Некар Ловен 7, Киелце 6, ПИК Сегед 6, Кристијанштад 4, Монпеље 4, Колдинг 2.