ЛШ - мажи: Прво финале за ракометарите на Вардар

Во почетните минути Вардар почна со грешки, но добро беше што ниту противникот не го искористи тоа. По 4:4 Барселона направи серија од 4:1 за водство од 8:5, но Вардар брзо се врати и по 5:2 изедначи на 10:10. Нерешено со предност на еден или друг тим од еден разлика беше кога Вардар се одлепи и во 44.минута поведе со 19:17. Во тој период кај Барселона се разигра Лазаров и го одржуваше каталонскиот тим во игра. Резултатот последен пат беше изедначен 25:25 кога Лазаров погоди на 20 секунди пред крајот. 

Но, славата ја зема Лука Циндриќ кој погоди во последниот напад на Вардар за 26:25.

Кај Вардар стрелци беа: Македа 1, Карачиќ 2, Душебаев 7, Циндриќ 4, Чупиќ 7, Борозан 5. Штербик имаше 14 одбрани.

Утре во финалето истотака од 18 часот Вардар ќе игра против ПСЖ, кој со 27:26 го победи Веспрем.