ЛШ: Фановите го избраа тимот на годината, најмногу гласови за Рамос

Посетителите на официјалната интернет страница на УЕФА го избраа најдобриот тим на годината во Лигата на шампионите. Интересно најмногу гласови доби дефанзивецот на Реал, Серхио Рамос.

Серхио Рамос во гласањето за најдобриот тим во Лигата на шампионите зад себе ги остави соиграчот Кристијано Роналдо и Лионел Меси од Барселона. Дефанзивецот на Реал доби речиси половина милион гласови (488.908). Зад Рамос се Кристијано Роналдо (450.220) и Меси (418.449).

Во гласањето најмногу гласови добиле играчите на Реал (24 отсто), потоа на Барселона (16 отсто).

Идеалниот тим во ЛШ, формација 4-3-3:

Голман: Џиџи Буфон (Јувентус)

Одбрана: Џером Боатенг (Баерн), Џорџо Кјелини (Јувентус), Џерард Пике (Барселона), Серхио Рамос (Реал)

Среден ред: Лука Модриќ (Реал), Тони Крос (Реал), Андрес Иниеста (Барселона)

Напад: Антоан Гризман (Атлетико), Лео Мeси (Барселона), Крстијано Роналдо (Реал).