Љубовна приказна на годината: Бракот меѓу полицаецот Боби и мигрантката Нура од Ирак
За повеќе странски медиуми, минатогодишната љубов крунисна со брак меѓу полицаецот од Куманово Боби Додевски и мигрантката од Ирак Нура Аркавази е љубовна приказна за 2016 година.
Првата средба меѓу нив не изгледала како увод во романса. Таа, Ирачанка, меѓу толпа мигранти на граничниот премин Табановце, се обидувала да влезе во Србија , тој, припадник на строгите македонски безбедносни сили, се обидувал да воспостави ред…
Љубов ги спои мигрантката и полицаецот, ја раскажуваат медиумите оваа неверојатна македонско-ирачка љубовна приказна.
Боби се потсетува на тој дождлив ден кога првпат ја видел Нура, додека бил на должност сосема случајно во тоа време, заменувајќи го својот колега.
Нура пак, кога првпат го видела Боби имала висока температура , но се што ја интересирало било дали нејзиното семејство ќе успее да ја помине границата и да го продолжат патот кон Германија. Тоа беше периодот кога балканските земји почнаа да ги затвораат границите.
Останатите полицајци ја упатиле да разговара со Боби, бидејќи само тој го зборувал добро англискиот јазик, а тој веднаш се погрижил таа и нејзината мајка да добијат соодветна медицинска нега и заштита.
На Боби ова му е трет брак, но на новинараите на АФП им раскажал дека кога првпат ја видел Нура , го привлекле нејзините очи во кои видел искрена добрина.
Нура е млада и има 20 години, а Боби 35. Тие живеат во Куманово, а нејзиното семејство кое избегало од провинцијата Дијала во Ирак пред налетот на борците на Исламска држава кои го киднапирале нејзиниот татко и барале илјадници долари отштета , кои тие ги немале, се обидува да го продолжи својот живот во Германија.
Нуира вели дека не сонувала ваква судбина дека ќе остане во Македонија, но засега таа со Боби ќе живее во Куманово и не знае дали ќе им се придружат на останатите членови од семејството кои веќе се пристигнати во Германија.
Популарно од Македонија
Ново на Сител
-
Светско првенство во киксбокс: Бабовски победи, Смилевски загуби, Илковски се повреди
-
Трамп најави крај на војните во Иран и Украина и почеток на ерата на супер-интелигенцијата
-
82-годишник почина по тепачка со 76-годишник за лежалка на плажа во Грција
-
Пациент тврди дека бил претепан од болничар, од установата пријавиле дека паднал од кревет
-
69-годишна жена од валандовско изгоре во пожар во сопствената куќа
-
Холанѓанец и Шпанец нападнале арачиновец во Аеродром
-
Мицкоски во Генералното собрание на ОН: Со гордост ја претставуваме Македонија на местото каде што се носат важни одлуки
-
Заминал на работа и исчезнал, неколку часа подоцна пронајден мртов на стадион со моторна пила до него
