Свет
12. March 2018 - 22:53

Ливерис најави повлекување од раководната функција на хемискиот гигант ДауДуПонт

Директорот на хемиската компанија ДауДуПонт Ендрју Ливерис најави дека ќе се повлече од компанијата на 1 април по 40 годишна кариера во која круната беше спојувањето на двата гиганти - ДуПонт и Дау во 2017 година.

Бордот на компанијата најави дел од новите директори кои ќе раководат со најзначајните одделенија. Џим Фитерлинг и Хауард Унгерлејдер од Дау компанијата во иднина ќе раководат со одделението за материјални науки на ДауДуПонт, кое е задолжено со производство на низа хемиски соединенија кои се употребуваат во автомобилската и козметичката индустрија.

По спојувањето на Дау и ДуПонт, новата компанија има уште две водечки одделенија, за производство на пластики и полимерни соединенија, и за земјоделски производи. Ливерис изјави дека наскоро ќе бидат познати идните раководители и на овие две одделенија.