Литов Намдагжанчивин од Монголија ќе стане почесен член на ДПМ
Литов Намдагжанчивин од Монголија ќе биде прогласен за почесен член на Друштвото на писателите на Македонија, кое ја донесе оваа одлука поради особениот придонес на Намдагжанчивин во афирмацијата на македонската литература во Монголија и за поттикнувањето и интензивирањето на соработката меѓу македонската и монголската култура. Тој е почесен конзул на Монголија во Република Македонија.
Свеченото прогласување на Намдагжанчивин за почесен член на македонската писателска асоцијација ќе се одржи во вторник напладне во ДПМ. За неговото дело ќе зборува дипломатот и публицист Драган Јањатов.
Литов Намдагжанчивин е преведувач, архитект и сликар, кој долго време е соработник со Струшките вечери на поезијата за кои ја подготви Антологијата на современата монголска поезија. Негови преводи се застапени во познатата едиција на СВП „Плејади“.
- Резултат на неговата активност е подготвувањето на Антологија на македонската поезија во издание на Монголската академија за култура и поезија. Литов Намдагжанчивин подолго време непосредно соработува со Друштвото на писателите на Македонија и настапува со преводи и со свои песни на монголски и на македонски јазик. Тој е автор на преводите на стихови од низа македонски поети меѓу кои се Константин Миладинов, Кочо Рацин и Блаже Конески, соопшти ДПМ.
Ново на Сител
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите