Лидерот на грчката опозиција бара предвремени избори
Лидерот на главната грчка опозициска партија Нова демократија, Кириакос Мицотакис бара предвремени избори, оценувајќи дека „цената на нови избори е помала од задржувањето на сегашната левичарска Влада“, соопшти „Њуз ин“, пренесува БТА.
- Следната влада ќе ја има последната шанса за да ја насочи земјата на патот кон раст и развој, истакна Мицотакис.
Лидерот на Нова демократија се спротистави на евентуалните масовни отпуштања на државни службеници, на намалувањето на износот на двете дополнителни плати, со цел да се заштедат пари, но се согласи со промената на синдикалниот закон.
Експертите предупредуваат дека сето тоа е предвидено во рамките на новиот пакет мерки, што наесен треба да биде договорен со кредиторите во замена за следната транша од позајмицата на Грција.
Во септември сегашната Влада ќе се најде пред нов трагичен ќорсокак, прогнозираше Мицотакис во интервјуто за грчкото радио „Скај“, обвинувајќи ја грчката Влада, дека со нејзините избори ја турка земјата кон стагнација и банкрот.
Ново на Сител
-
Трамп со аплауз го пречека Путин
-
Авионот на Трамп слета во Екориџ
-
Песков: Самитот меѓу Путин и Трамп во Алјаска ќе трае најмалку 6-7 часа
-
Во Албанија уапсени три лица за подметнување пожари, ситуацијата со пожарите подобрена
-
Независните кандидати наместо од еден отсто, треба да соберат потписи од 0,95 проценти од запишаните избирачи во ИЕ
-
Хакерски напад врз веб-страницата на српското МВР од IP-адреса од Холандија
-
Лишен од слобода 19-годишник во Тетово поради предизвикување пожар
-
Поради пожар во НП Јасен патот Македонски брод Скопје затворен за секаков вид возила