Лидерите на Г7 се пошегуваа на сметка на Путин: Да јаваме коњ голи, како него | ВИДЕО
Лидерите на земјите од Г7 денеска се собраа на самит во замокот Елмау во Германија, а дел од нив, токму во времето кога снимателите снимаа, се пошегуваа на сметка на рускиот претседател Владимир Путин.
Кога лидерите се собраа пред фоторепортерите, британскиот премиер Борис Џонсон праша дали треба да ги соблечат сакоата за фотографирање.
„Можеме ли да се соблечеме?“, праша Џонсон, на што неговиот канадски колега Џастин Трудо одговори: „Да почекаме да заврши фотографирањето“.
Џонсон потоа низ смеа рече „мора да им покажеме на сите дека сме посилни од Путин“, а Трудо спомна јавање коњ без маица, алудирајќи на познатите фотографии на рускиот претседател од неговиот одмор во Сибир.
Во разговорот се вклучи и претседателката на Европската комисија, Урсула фон дер Лајен“ со коментар „јавањето е најдобро“, на што Џонсон одговори дека и тие „мора да ги покажат градите“.
Во исмевањето на рускиот претседател не учествуваа другите лидери на масата: Џозеф Бајден, Емануел Макрон, Чарлс Мишел, Фумио Кишида, Марио Драги и Олаф Шолц.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари