Летечките автомобили стануваат реалност: Русите покажаа како ќе изгледаат, а еден детаљ е посебно интересен

Рускиот концерн „Калашников“ го претстави концептот на „летечки автомобил“, а снимката од пробниот лет објавена е на сајтот на компанијата.

Имено, станува збор за своевидно патничко превозно средство кое се движи со помош на осум елиси кои се поставени долж целата каросерија.

Оваа пробна конструкција е предвидена само за еден човек, а во иднина бројот на патниците би можел да биде поголем, велат во компанијата.

„Со летечкиот автомобил“ возачот управува така што преку џојстикот го менува аголот на елисата.

Покрај тоа, елисата ја движи акумулатор па станува збор за еколошко возило.